جیسے تو راضی ویسے راضی کر دے
میرا کوئی عمل تو امتیازی کر دے
سر جھک جاتا ھے من جھکتا ھی نہیں
دل بھی کسی وقت نمازی کر دے!!

قیام جس کا جہاں ھے وھیں کا دکھ سمجھے
زمین زاد ... فقط اس زمیں کا دکھ سمجھے
تو اب کیوں نہ مل لیا جائے کسی سپیرے سے
امید ھے کہ وہ میری آستین کا دکھ سمجھے

ھے یہ ممکن کہ طلب گاہِ محبت میں کبھی
دل کی گہرائیوں سے تو نے مجھے چاہا ھی نہ ھو
عمر بھر ساتھ رھیں ، ساتھ جیئیں ، ساتھ مریں
اِن دعاؤں کے لئیے کبھی ہاتھ اٹھایا ھی نہ ھو

میں تو گم نام تھا، کم قدر تھا اور خاک بسر
اک تیرے عشق نے توقیر بڑھا دی میری...

ٹھوکروں میں ھے مَتاعِ دلِ ویراں کب سے
کیا ھُوئے غم کو سرآنکھوں پہ بِٹھانے والے
رات سُنسان ھے ، بےنُور سِتارے مدّھم
کیا ھُوئے راہ میں پلکوں کو بچھانے والے
اَب تو وُہ دن بھی نہیں ھیں کہ میرے نام کے ساتھ
آپ کا نام بھی لیتے تھے زمانے والے..........!!!

اپنی انا کی جیت میں دنیا کی مان کر
محروم میری ذات سے اک شخص ھو گیا

سمے کی ڈور پہ مانجھا لگا ھے شیشے کا
ٹھہرنا چاھیں تو شہ رگ پہ زخم آتے ھیں

میں گھر پلٹنے لگا تو یہ انکشاف ھُوا.........!!!!
یہاں نہیں ھوں، تیرے ساتھ جا چکا ھوں میں

تُو دیکھ اگر وہ مِل جائے
ممکن ھے زخم بھی سِل جائے
ورنہ ہم ہجر جو کاٹ چکے
وہ اس جیون سے زیادہ ھے

اگر دیر کا مطلب انکار ھوتا تو ﷲ تعالیٰ چالیس سال بعد حضرت یعقوب علیہ السلام کو حضرت یوسف علیہ السّلام سے نہ ملاتا

اس نے پوچھا تھا میرے آنے سے کیا ھوتا ھے
میرا ہر زخم چیخا تھا کہ .........شفا آتی ھے

یہ کس کی لَو ھے اے دلِ مضطر لگی ھوئی
اک آگ سی ھے سینے کے اندر لگی ھوئی
دل کیا کھلے میرا کہ تیری زلف کی طرح
مضبوط اک گرہ ھے گرہ پر لگی ھوئی

بکھری ھوئی ھیں چاروں طرف دل کی کرچیاں
لگتا ھے ایک گھر سا یہاں بن کے مٹ گیا

یوں بھی ہوتا ھے
دو اجنبی ، راہ رو
اپنی راھوں سے
منزل سے نا آشنا
ایک دوسرے کی
خبر تک نہیں
کوئی پیمان الفت
نہ عہد وفا
اتفاقات سے
اس طرح مل گئے
ساز بھی بج اٹھے
پھول بھی کھل گئے

روز یہ سوچ کے سوتا ھوں کہ اس رات کے بعد
اب اگر آنکھ کھلے گی تو....... سویرا ھو گا

بےبس انسان کا سجدہ ھی اس کی بےبسی کا علاج ھے

سنا ھے تم بھی نیم شب کو
اٹھا کے تکیہ اب نیند ڈھونڈتے ھو.. !!!

وہ محبت کی شروعات ، وہ بے تحاشہ خوشی
دیکھ کر ان کو وہ پھولے نہ سمانا دل کا ......

ادھیڑ ڈالے ھیں بخیے میرے جدائی نے
کہ کھا گیا ھے تیرا غم کُتر کتر کر مجھے

یاد ھے اب بھی
وہ جگہ ہم کو !
جہاں ہم پُہنچے
اور 'جہاں' سے رھے